حکومت ادارے کو آگ لگانے کی دھمکی دے رہی ہے،کوئی پوچھنےوالا نہیں؟ مریم نواز

  پنجند نیوز ایچ ڈی سوشل میڈیا (ویب ڈیسک)

پاکستان مسلم لیگ ن کی نائب صدر مریم نواز بھی الیکشن کمیشن سے متعلق وفاقی وزیر ریلوے اعظم سواتی کے بیان پر بول پڑیں۔

تفصیلات کے مطابق مسلم لیگ ن کی نائب صدراور سابق وزیراعظم نواز شریف کی صاحبزادی مریم نواز نے سماجی رابطے کی ویب سائٹ ٹوئٹر پر جاری اپنے پیغام میں لکھا ہے کہ ہم نے صرف اداروں میں چھپے منفی کرداروں پر تنقید کی ہے۔ حکومت پورے ادارے کو آگ لگانے کی دھمکی دے رہی ہے، کوئی پوچھنےوالا نہیں ؟

ہم نے اداروں پر نہیں، صرف ان میں چھپے منفی کرداروں پر تنقید کی ہے۔ یہاں حکومت پورے ادارے کو آگ لگانے کی دھمکی لگا رہی ہے اور پوچھنے والا کوئی نہیں؟

واضح  رہے کہ وفاقی وزیرِ ریلوے اعظم سواتی سینیٹ کی قائمہ کمیٹی برائے پارلیمانی امور کے اجلاس میں الیکشن کمیشن پر برس پڑے۔وفاقی وزیر اعظم سواتی نے اجلاس میں کہا کہ الیکشن کمیشن نے پیسے پکڑے ہوئے ہیں۔ ایسے اداروں کو آگ لگا دیں ۔الیکشن کمیشن ہمیشہ دھاندلی کرتارہا ہے۔وزیر ریلوےاعظم سواتی کے بیان پرالیکشن کمیشن حکام آگ بگولہ ہو گئے۔الیکشن کمیشن حکام اجلاس سے واک آوٹ کر گئے۔

ذرائع کے مطابق اس مو قع پروزیر مملکت پارلیمانی امورعلی محمد خان الیکشن کمیشن حکام کومنانے کے جتن کرتے رہے۔وزیر مملکت پارلیمانی امور علی محمد خان نے کہاکہ ہم بیٹھ کر بات کرسکتے ہیں۔اسپیشل سیکریٹری الیکشن کمیشن نے علی محمد خان سے اجلاس میں جانے سے معذرت کر لی۔

اسپیشل سیکرٹری الیکشن کمیشن نے کہا حکومتی وزرا نے گزشتہ روزبھی اجلاس میں بدتمیزی کی۔آج الیکشن کمیشن پر سنگین الزامات لگائے گئے۔ایسے ماحول میں قائمہ کمیٹی اجلاس میں شرکت نہیں کرسکتے۔واضح رہےکہ چیف الیکشن کمشنر نے وفاقی وزیر اعظم سواتی کے الزامات پر الیکشن کمیشن میں ہنگامی اجلاس طلب کر لیا۔

دوسری جانب کمیٹی نے سمندر پار پاکستانیوں کے لیے آئی ووٹنگ سے متعلق ترمیم مسترد کر دی۔