پی سی بی کے نئے چیئرمین کا انتخاب آج ہوگا

 (پنجند نیوز ایچ ڈی سوشل میڈیا ویب ڈیسک)

پاکستان کرکٹ بوڈ( پی سی بی) کے نئے چیئرمین کا انتخاب آج ہوگا۔

تفصیلات کے مطابق پاکستان کرکٹ بوڈ( پی سی بی) کے نئے چیئرمین کے انتخاب کیلئے گورننگ بورڈ کا اجلاس(آج) ہوگا  جس میں سابق کپتان رمیز راجہ کا بلا مقابلہ چیئرمین منتخب ہونے کا امکان ہے۔

ذرائع نے بتایا ہے کہ پاکستان کرکٹ بوڈ( پی سی بی) کے نئے چیئرمین کے منتخب ہونے کے بعد پاکستان کرکٹ بوڈ( پی سی بی) کے چیئرمین دوپہر میں میڈیا سے گفتگو کریں گے۔

ذرائع نے بتایا ہے کہ پاکستان کرکٹ بورڈ ( پی سی بی) کے نئے چیئرمین کے انتخاب کے لیے پاکستان کرکٹ بورڈ ( پی سی بی) گورننگ بورڈ کا خصوصی اجلاس کل صبح 11 بجے نیشنل ہائی پرفارمنس سینٹر لاہور میں ہوگا۔

ذرائع نے بتایا ہے کہ پاکستان کرکٹ بورڈ ( پی سی بی) کے نئے چیئرمین وزیراعظم عمران خان کے گورننگ بورڈ میں نامزد کردہ سابق کپتان رمیز راجہ چیئرمین منتخب ہونے کا امکان ہے۔

واضح رہے کہ 1992 ورلڈ کپ فاتح ٹیم کے رکن رمیز راجہ چوتھے انٹر نیشنل کرکٹر ہوں گے جو پاکستان کرکٹ بورڈ کے چیئرمین کی ذمہ داریاں سنبھالیں گے، اس سے قبل عبدالحفیظ کاردار، جاوید برکی اور اعجاز بٹ چیئرمین رہ چکے ہیں۔

یاد رہے کہ59سالہ رمیز راجہ نے پاکستان کرکٹ بورڈ( پی سی بی) میں چیف ایگزیکٹو کی ذمہ داریاں بھی نبھا چکے ہیں، 1984 سے 1997 تک اپنے انٹر نیشنل کیرئیر میں رمیز راجہ نے 57ٹیسٹ اور 198ون ڈے انٹر نیشنل میچز کھیلے۔ریٹائر منٹ کے بعد رمیز راجہ نے کمنٹری میں نام کمایا اور انہیں وائس آف پاکستان قرار دیا گیا، انہیں ایم سی سی ورلڈ کرکٹ کمیٹی میں بھی شامل کیا گیا تھا۔