اسلام آباد (پنجند نیوز ایچ ڈی سوشل میڈیا نیٹ ورک) شہریوں کی شکایات پر وزیر اعظم عمران خان نے 2 ہزار 549 جزوی طور پر حل شدہ شکایات کو دوبارہ کھولنے کا حکم دے دیا۔
شکایات کو دوبارہ کھول کر مجاز افسران کو ضروری کارروائی کے لیے تفویض کیا جائے گا۔
پی ایم ڈی یو کے مطابق مذکورہ تمام شکایات میں شہریوں کو جُزوی ریلیف کا عندیہ دیا گیا تھا۔ 43 ہزار 351 شکایات 773 اداروں کو کھولی جائیں گی۔ صوبائی حکومتوں کی 40 ہزار415 شکایات 2 ہزار 450 اداروں کو دوبارہ تفویض کی جائیں گی۔
پی ایم ڈی یو کے مطابق وفاقی سطح پر سب سے زیادہ 3 ہزار 181 شکایات آئیسکو کی کھولی جائیں گی۔ صوبائی سطح پر 1606 پنجاب ہائی وے کی، خیبرپختونخواہ میں پی ڈی اے کی 412 ، سندھ میں کے ڈبلیو ایس پی کی اور بلوچستان میں سیکنڈری ایجوکیشن کی 130 شکایات سرفہرست ہیں۔ عوامی شکایات کا ہر ممکن حل یقینی بنایا جائے گا۔
0 تبصرے