 |
| ہیلی کاپٹر میں دو پائلٹس اور طبی عملے کے دو ارکان موجود تھے، فوٹو: فائل |
عالمی خبر رساں ادارے کے مطابق متحدہ عرب امارات پولیس کے ریسکیو ادارے کا ہیلی کاپٹر امدادی کاموں کے دوران تکنیکی خرابی کے باعث گر کر تباہ ہوگیا۔ہیلی کاپٹر میں دو پائلٹس جب کہ ایک ڈاکٹر و ایک نرس موجود تھے۔
ہیلی کاپٹر حادثے میں چاروں افراد جاں بحق ہوگئے جن کی شناخت پائلٹ ٹرینر خمیس سعید الہولی، لیفٹیننٹ پائلٹ ناصر محمد الراشدی، ڈاکٹر شاہد فاروق غلام اور نرس جوئیل کیوئی سکارا کے ناموں سے ہوئی ہے۔
پولیس حکام کی جانب سے جاری بیان میں فرائض کی انجام دہی کے دوران شہید ہونے والوں کو خراج تحسین پیش کیا گیا ہے تاہم حادثے کی وجہ اور مقام سے متعلق آگاہ نہیں کیا گیا۔
#نعي | بقلوب مؤمنة بقضاء الله وقدره تنعي القيادة العامة لشرطة أبوظبي أبناء الواجب المغفور لهم بأذن لله
— شرطة أبوظبي (@ADPoliceHQ) October 2, 2021
مقدم مدرب طيار خميس سعيد الهولي
ملازم طيار ناصر محمد الراشدي
طبيب مدني شاهد فاروق غلام
ممرض مدني جويل قيوي ساكارا مينتو pic.twitter.com/AkbpKVgNQ9
پولیس کی جانب سے جاری بیان میں یہ بھی نہیں بتایا گیا کہ ہیلی کاپٹر کس مشن پر اور کہاں گیا تھا۔ ہیلی کاپٹر حادثہ اس وقت ہوا ہے جب ایک سال تاخیر سے ملک میں ورلڈ ایکسپو 2020 کا گزشتہ روز ہی آغاز ہوا ہے۔
0 تبصرے