ٹی ٹوئنٹی ورلڈکپ،قومی کھلاڑی سبز ہلالی پرچم لگا کر ٹریننگ کیوں کرتے ہیں؟

پاکستان کرکٹ ٹیم کے ہیڈ کوچ ثقلین مشتاق نے گزشتہ روز اس راز سے پردہ اٹھایا ہے کہ ورلڈکپ میں قومی کرکٹرز ٹریننگ سیشن کے دوران  سبز ہلالی پرچم کے ساتھ ٹریننگ کیوں کرتے ہیں۔

تفصیلات کے مطابق پاکستان کرکٹ بورڈ(پی سی بی) کی جانب سے ورلڈکپ کے دوران شیئر کی جانے والی ویڈیومیں وکٹ کیپر بیٹسمین  محمد رضوان کو ٹریننگ سیشن کے دوران میدان میں پاکستانی جھنڈا ساتھ لاتے دیکھا گیا تھا۔

Cricket mera junoon hai (cricket is my passion) @iMRizwanPak 🇵🇰♥️ #WeHaveWeWill pic.twitter.com/fIyqozeLCi

— Pakistan Cricket (@TheRealPCB) October 26, 2021

گزشتہ روز کی جانے والی پریس کانفرنس کے دوران سابق اسپنر ثقلین مشتاق  نے بتایا کہ یہ جھنڈا صرف ان کھلاڑیوں کی نہیں بلکہ پوری قوم کی نمائندگی کرتا ہے، 24 کروڑ افراد اس جھنڈے تلے ہیں۔

انہوں نے ورلڈکپ کے دوران ٹریننگ میں جھنڈا لانے کا مقصد بتایا کہ ہم یہ سوچتے ہیں کہ گراؤنڈ میں صرف 18 یا 20 لوگوں کی  نہیں بلکہ 24 کروڑ لوگوں کی ٹیم گراؤنڈ میں کھیل رہی ہے۔