موٹرسائیکل خریدنے والوں کیلئے بُری خبر، قیمتوں میں ریکارڈ اضافہ ہوگیا

پاکستانی شہریوں کے لئے ان کی عام سورای بھی مہنگی ہوگئی ہے کہ کیونکہ کمپنی نے موٹر سائیکلوں کی قیمتوں میں اضافہ کردیا ہے۔

تفصیلات کے مطابق جاپانی کمپنی اٹلس کی جانب سے پاکستان بھر میں موٹر سائیکلوں کی قیمتوں میں اضافہ کردیا گیا ہے۔

موٹر سائیکلوں کی قیمتوں میں اضافے کے بعد ہنڈا سی ڈی 70 کی قیمت میں 4 ہزار روپے اضافہ ہوا ہےجبکہ ہنڈا نے سی ڈی 70 ڈریم کی قیمت بھی چار ہزار روپے بڑھائی گئی ہے۔

ہنڈا پریڈور کی قیمت میں 5 ہزار روپے کا اضافہ کیا گیا ہے جبکہ ہنڈا سی جی125 کی قیمت 5 ہزار روپے ہوا ہے۔

کمپنی نے ہنڈا سی جی 125ایس ای کی قیمت میں 6500 روپے کا اضافہ کیا ہے جبکہ ہنڈا سی بی 150 ایف کی قیمت میں بھی 6500 روپے کا اضافہ دیکھنے میں آیا ہے۔

موٹر سائیکلوں کی قیمت میں اضافے کے حوالے سے ماہرین کا کہنا ہے کہ اسٹیل مہگا ہوگیا ہے جس کے سبب موٹرسائیکلوں کی قیمت بڑھی ہیں۔

اس حوالے سے ماہرین نےبتایا تھا کہ یونائیٹڈآٹوموبائلز اور روڈ پرنس یکم اکتوبر سے اپنی موٹر سائیکلوں کی قیمتوں میں بالترتیب 5 ہزار اور 3 ہزار روپے تک اضافہ کرینگی۔

خیال رہے کہ ایسوسی ایشن آف پاکستان موٹرسائیکل اسمبلرز کے مطابق کمپنیاں موٹرسائیکل ڈیلرز کو موٹرسائیکلیں فروخت نہیں کر رہی ہیں۔