وزیرِاعظم عمران خان نےکہا ہےکہ صحت،احساس اورکسان کارڈ حکومت کی اولین ترجیحات میں شامل ہیں۔
تفصیلات کےمطابق وزیرِاعظم عمران خان کی زیرِ صدارت اعلیٰ سطح کا اجلاس ہوا جس میں ساہیوال اورڈیرہ غازی خان ڈویژن میں ہیلتھ کارڈ کی تقسیم اوراس کے ذریعے لوگوں کو صحت کی سہولیات کے حصول پر تفصیلی بریفنگ دی گئی۔
بریفنگ میں بتایا گیا کہ پنجاب میں صحت کارڈ کی تقسیم کے دوسرے مرحلے کو جلد لاہور سے شروع کیا جائے گا ، لاہور میں صحت کارڈ کی تقسیم کے حوالے سے کام تیزی سے جاری ہے ، کسان کارڈ کی تقیسم کا عمل جنوبی پنجاب سے شروع کیا گیا جس کے مثبت نتائج موصول ہو رہے ہیں۔
حکومت کا صحت کارڈ نہ صرف پاکستان بلکہ پوری دنیا میں عوام کو صحت کی مکمل سہولیات کی مفت فراہمی کے حوالے سے منفرد اقدام ہے. وزیرِ اعظم
— Prime Minister's Office, Pakistan (@PakPMO) October 12, 2021
پسماندہ طبقے کیلئے صحت اور احساس کارڈ ایک بڑا ریلیف فراہم کریں گے. وزیرِ اعظم. pic.twitter.com/SlFF9dvsaX
اجلاس میں بریفنگ دیتے ہوئے بتایا گیا ہے کہ کسان کارڈ سے براہِ راست سبسڈی سے نہ صرف کسانوں کو معاونت کی فراہمی بلکہ شفافیت کا عنصر بھی یقینی بنایا گیا ہے ، کسان کارڈ میں سبسڈی کیلئے مزید پراڈکٹس کو شامل کرنے کی حکمتِ عملی حتمی مراحل میں ہے۔وزیرِ اعظم نے ہیلتھ ، کسان اور احساس کارڈ کی تقسیم اور ان سے ملحقہ انتظامات کی جلد تکمیل کی ہدایات کیں۔
اجلاس میں معاونینِ خصوصی ڈاکٹر ثانیہ نشتر، ڈاکٹر فیصل سلطان اور جمشید اقبال چیمہ نے شرکت کی۔
وزیرِ اعظم عمران خان نے کہا کہ حکومت کا صحت کارڈ نہ صرف پاکستان بلکہ پوری دنیا میں عوام کو صحت کی مکمل سہولیات کی مفت فراہمی کے حوالے سے منفرد اقدام ہے ، پسماندہ طبقے کو صحت اور احساس کارڈ ایک بڑا ریلیف فراہم کریں گے ، پنجاب اور خیبر پختونخوا میں اس حوالے سے خصوصی سیل بنا کر کام میں تیزی لائی جا رہی ہے۔
وزیرِ اعظم عمران خان نے کہا کہ لاہور میں تکمیل کے بعد جلد صحت کارڈ کی تقسیم پورے پنجاب میں یقینی بنائی جائے گی ، صحت، احساس اور کسان کارڈ حکومت کی اولین ترجیحات میں شامل ہیں۔
0 تبصرے