نئی دہلی: آنجہانی ونود اداکارہ ریکھا کو ملوانے گھر لے گئے تو ان کی والدہ نے ریکھا پر چیخنا شروع کر دیا اور ساتھ ہی اداکارہ کو گالیاں بھی دیں۔
بھارتی میڈیا پر ریکھا کی نجی زندگی سے متعلق بحث جاری ہے جس میں ان کی ونود کے ساتھ شادی کا تذکرہ کیا جا رہا ہے۔ بالی ووڈ اداکارہ ریکھا سے متعلق افواہیں زیرگردش رہیں کہ وہ ایک زمانے میں اداکار ونود مہرا سے رشتہ ازدواج میں منسلک تھیں تو انہیں غیر یقینی صورتحال کا سامنا کرنا پڑا۔
یہ واقعہ ان کی سوانح عمری ‘دی انٹولڈ اسٹوری’ سے لیا گیا ہے۔
اداکارہ ریکھا اور آنجہانی اداکار ونود کے بارے میں افواہیں زیرگردش تھیں کہ دونوں 1980 میں رشتہ ازدواج سے منسلک ہو گئے تھے اور جب ونود اپنی بیگم کو والدہ سے ملوانے لے کر گئے تو انہوں نے ریکھا کے ساتھ نامناسب رویہ اختیار کیا اور انہیں بہو تسلیم کرنے سے انکار کر دیا تھا۔
بھارتی صحافی یاسر عثمان نے ریکھا کی سوانح حیات لکھی جس میں اس بات کا تذکرہ کیا گیا کہ جب ونود ریکھا کو اپنے گھر لے گئے تو ونود کی والدہ سخت غصے میں آ گئیں اور انہوں نے ریکھا کو خوب کھری کھری سنائی اور گالیاں بھی دیں۔
یاسر عثمان نے یہ بھی لکھا کہ ونود مہرا کی والدہ اس قدر چیخ رہی تھیں کہ انہوں نے اس دوران ریکھا کو مارنے کے لیے چپل بھی اتار لی تھی تاہم ونود نے انہیں روکنے کی کوشش کی۔
ریکھا اس تمام صورتحال کو دیکھ کر پریشان ہو گئیں اور انہوں نے فوری طور پر اداکار ونود سے علیحدگی اختیار کرنے کا فیصلہ کر لیا تھا۔
0 تبصرے