ملک بھر میں طوفانی بارشوں سے تباہی، مختلف حادثات میں 133 افراد جاں بحق

ملک بھر میں طوفانی بارشوں نے تباہی مچادی، اس دوران مختلف حادثات میں 24 افراد جاں بحق اور متعدد زخمی ہو گئے۔تفصیلات کے مطابق حالیہ مون سون بارشوں سے ہونے والے جانی و مالی نقصان سے متعلق نیشنل ڈیزاسٹر مینجمنٹ اتھارٹی نے رپورٹ جاری کر دی جس کے مطابق 25 جون سے اب تک ملک بھر میں 133 افراد جان کی بازی ہار گئے، جانبحق ہونے والوں میں 57 مرد 21 خواتین اور 55 بچے شامل ہیں۔

رپورٹ کے مطابق سب سے زیادہ اموات پنجاب سے 65، خیبرپختونخوا سے 35، بلوچستان سے 6، اسلام آباد سے 11، سندھ سے 10 اور آزاد کشمیر سے 5 افراد زندگی کی بازی ہار گئے۔ حالیہ بارشوں سے ملک بھر میں کل 215 افراد زخمی ہوئے جن میں 87 مرد 56 خواتین اور 72 بچے شامل ہیں۔جاری کردہ رپورٹ میں بتایا گیا کہ ملک بھر میں کل 368 گھروں کو نقصان پہنچا، حالیہ بارشوں اور سیلاب سے 245 مویشیوں کو نقصان پہنچا۔