سانحہ بہاولپور اسلامیہ یونیورسٹی سیکنڈل نے لاکھوں والدین کی عزتوں کا جنازہ نکال دیا

بستی اللہ بخش ( نمائندہ پنجندنیوز) سانحہ بہاولپور اسلامیہ یونیورسٹی سیکنڈل نے لاکھوں والدین کی عزتوں کا جنازہ نکال دیا، سانحہ پر جتنا بھی افسوس کیا جائے کم ہے، کل کو کروڑوں والدین اپنی بچیوں کو تعلیم دلانے سے پہلے سو بار سوچیں گے، جہالت کا خوفناک دور قوموں کو تباہ کردے گا، ملوث کردار کسی بھی معافی کے لائق نہیں، اسلامیہ یونیورسٹی بہاولپور کے جنسی کرداروں کو سرعام پھانسی دی جائے، واقعہ سے لاکھوں بچیوں کا مستقبل تاریک ہوا اور لاکھوں والدین کے اعتماد کو دھوکہ دیا گیا، کل کوان بچیوں کے رشتے لینے والے کوئ نہیں ہونگے، اچھے کردار کی بچیاں بھی تباہ ہوگئی ہیں، سانحہ نو مئی سے بھی بڑا ہے جب تک دو چار لوگوں کو نہیں لٹکایا جاتا تمام کالجز اور یونیورسٹیز بدنام ہو جائیں، واقعہ سے اسلامی تشخص تباہ ہوگیا ہے، ان خیالات کااظہار سردار محمد ضیاء اللہ خان جتوئی، سیٹھ نذر محمد خان، رانا عرفان جعفر ایڈووکیٹ نے نمائندہ سے گفتگو کرتے ہوئے کہا کہ بہاولپور اسلامیہ یونیورسٹی میں جنسی سیکنڈل کا سامنے آنے سے پاکستان خاص طور پر اسلامی تشخص کو نقصان پہنچا ہے لاکھوں والدین کو برباد کردیا گیا ہے واقعہ میں جو جو بھی لوگ ملوث ہیں انہیں پھانسی پر لٹکا کر نشان عبرت بنایا جائے، اس وقعہ پر جوڈیشل کمیشن بنایا جائے تاکہ آئیندہ ایسے واقعات نہ ہوں ۔