علی پور (حاجی احمد ملک، عبدالوحید قادری سے) ریچھ کتوں کی لڑائی پر لاکھوں روپے کا جوا مخبر کی اطلاع پر پولیس اور وائلڈ لائف اہلکاروں کی بروقت کارروائی 30 افراد گرفتار تین ریچھ اور درجنوں کتے تحویل میں لے لئے ایک لاکھ پانچ سو زر داؤ برآمد مقدمہ درج سفارشیں ناکام تفصیل کے مطابق تھانہ سٹی علی پور کے سب انسپکٹر عبدالمالک کو مخبر نے اطلاع دی کہ ڈیرہ مہر احمد علی کے بڑی حویلی میں ذوالفقار گھلو کتے اور ریچھ کی لڑائی کروا رہا ہے اور تماشبین جواریوں نے بڑے پیمانے پر جوا لگا رکھا ہے تھانہ سٹی کے سب انسپکٹر عبدالمالک نے محکمہ وائلڈ لائف اہلکاروں کے ہمراہ موقع پر ریڈ کیا تو دنگل میں بھگدڑ مچ گئی پولیس نے دنگل کے چیف ذوالفقار گھلو اور احمد علی مہر سمیت 30 افراد کو گرفتار کر لیا جبکہ 40/50تماشبین فرار ہو گئے۔
پولیس نے موقع پر داؤ پر لگی رقم ایک لاکھ پانچ سو روپے اور چار موٹر سائیکل برآمد کر لئے محکمہ وائلڈ لائف اہلکاروں نے تین ریچھ اور درجنوں کتے تحویل میں لے لئے ملزمان کو چھڑوانے کے لئے بااثر سیاسی وڈیروں نے رابطہ مہم شروع کر دی اور پولیس کو لاکھوں روپے آفر کئے گئے لیکن سٹی پولیس نے تمام تر دباؤ کو نظر انداز کرتے ہوئے ملزمان کے خلاف مقدمہ درج کرتے ہوئے حوالات میں بند کر دیا ہے۔
0 تبصرے